ما توقعك لمستقبل اسعار العقار بحفرالباطن لعام 2009م

[ابو مريم]

السلام عليكم والرحمة
يااخي العزيز ياادمن انا ادري انك انت اللي طارح الموضوع
الهدف منه النقاش وانا يوم قلت تكوش الظاهر مازعلت الا صدق تبي تكوش خخخخخخ ياعزيزي انا اقصد اللي يتكلمون بالكلام هذا مش انت شخصيا لانك انت طارح الموضوع وحتى لو اقصد انك انت تبي تكوش على الحفر خخخ المفروض ماتزعل لاني امزح معك << مطيح الميانه المهم يالغالي الناس عارفه كل شي ولها اطلاع لا كلامي ولا كلام غيري يبي يأثر على احد وانا والله العظيم من اهل الرياض بس عندي اطلاع على اخبار الحفر ومن الباب هذا اتكلم فقط هذا الكلام للاخ اللي يقولي اجزم انك شريطي
والله العظيم ماني شريطي بس طرحت رأيي مخالف ليش اتهمتني اني شريطي اذا منت مصدق اجيك الحفر وجيب شهود ونروح المحكمه يشهدون اني مو شريطي

المهم مشكورين اخواني على ابداء ارائكم وكلامنا كله بالنهاية كلام ما نعلم الغيب

وشكرا لكم

[ابو مريم]

المشاركة الأصلية كتبت بواسطة العساف [عزيزي الزائر يتوجب عليك التسجيل للمشاهدة الرابط للتسجيل اضغط هنا]

بسم الله الرحمن الرحيم

توقعاتي لسوق العقار بحفرالباطن ينقسم الى 3 اقسام

القسم الأول : يشمل المخططات السكنيه الحديثه التوجه
كالبلديه والمحمديه والربوه وغيرها وتلك المخططات سيكون الارتفاع
هو نصيبها نظراً لكونها رغبة حاليه للسكن ومخططات مميزه.
القسم الثاني : مخططات الاستثمار بعيد المدى وتشمل مخططات طريق الرياض
فهذه المخططات قد تشهد استقرار باسعار الاراضي لفتره معينه حاليه ولكنها باذن الله ستصعد
نظراً لوجود الخدمات المقامه كالمستشفى والجامعه والكليات ومن الطبيعي توجه اكثر
بالمستقبل وبالتالي فان المستقبل لها.
القسم الثالث : المخططات الغير مرغوبه سكنيا بنسبه كبيره وعكس اتجاه نمو البلد
وهذه المخططات قد يحدث ببعضها انخفاض وهو بنسبة قليله لكن كون ان اسعارها ارتفعت بشكل كبير
بالفتره الماضيه فقد يحدث في بعضها انخفاض نظرا لقلة رغبة الاستثمار فيها.
======
وبالنهايه واسعار محافظة حفرالباطن كما يقول الجميع انها قد ارتفعت
فانا ارى انه حتى وبعد ارتفاعها فتعتبر قياساً بكثير من مثيلاتها من محافظات المملكه
سعر الاراضي لا يزال بمتناول اليد فاذا استثنينا مخطط او اثنان تجاوزت اسعار اراضيه المائة الف
فان باقي المخططات السكنيه الحاليه في داخل حفرالباطن تعتبر اسعارها بين ثلاثين الف ريال الى
ثمانين الف ريال في افضل المخططات وبالتالي فالاسعار مازالت ببحر المعقول.
وبما ان اسعار مواد البناء قد انخفضت بشكل كبير فالمتداول عالمياً ان هذا الانخفاض
يقابله ارتفاع باسعار العقار وهذه نظريه عالميه ولا اقصد منها تبرير ارتفاع العقار لكن
كل ما اقصده ان العقار ليس بتلك الصور المخيفه التي رسمها البعض .

** ملاحظه : توجد بعض مخططات المحافظه وهي قله قد يكون اصابها ارتفاع بشكل كبير وهو ارتفاع
غير مبرر وقد يحدث فيها هبوط ولكن هذه المخططات لا تكاد تتعدى الاربع او خمس مخططات فقط

شكرا لكم

اخي مكتب العساف مشاركتك مشاركة انسان فاهم يتكلم كلام مبني على اسس
هذا الكلام المنطقي تشكر يالعساف على مشاركتك الاكثر من رائعه انا قلت بالمشاركة الاسعار منطقيه وهذا الوقع ويقولون هبوط بالحفر انا من اهل الرياض لو تشوف الاراضي كم اسعا رها بالرياض تقول ياحلو الحفر والاسعار متماسكه وهي غاليه اما حفر الباطن اراضي 10 الاف و20 الف و50 الف والله العظيم اسعار ماتستحق نطلق عليها هبوط الايام جايه وحفر الباطن مستقبل على العموم ان احترم ارائكم بس اللي يطرح رايه يكون قريب للمنطق عشان نكون موظوعيين فقط

[موفق999]

افا افا افا
ليه يا ابو مريم كذا الله يهديك
على طول اعتبرت ( الشريطي ) تهمه كأنها جريمه ياخي هذا عمل ولا فيه شيء ان شاء الله
والشريطي مثل الوظيفه ليه كذا وبعدين حتى لو اعتبرناها جريمه فالمتهم بريء حتى تثبت ادانته
وانا هقيت انك شريطي بناءً لكلامك الواضحه منه الرغبة في ارتفاع الاراضي
كما انت قلت ان الرجال يبي يكوش وانه يرغب بهبوط اسعار الاراضي وهذه توقعات ما فيها شيء
ولا فيها خطا وكلن عقله براسه ويعرف خلاصه والايام القادمه يتضح فيها الكلام الفصل
واذا مصمم خلاص جب الشهود والوعد المحكمة ههههههه
ثانيا تقول لو تشوف الاراضي بالرياض
على كذا الاراضي بالرياض رخيصة تدري ليه لو تشوف الاراضي بمكه
يا اخي كل منطقه ولها اسعارها حتى داخل المدينه الواحده تختلف الاسعار
لكن يا اخي تخيل لو استمر كل شيء بالارتفاع الى ما لا نهاية

[ابو مريم]

هلابك اخوي موفق الله يوفقك دنيا واخره انا موافق اجيك الحفر بس اذا ماطلعت شريطي تعطيني 100 الف خخخخخ الحياة فرص ولازم استقل الموقف يااخي العزيز انا مااقصد شي يوم اقول انا مو شريطي لا والله بالعكس الشريطي مهنه شريفه ودخلها احيان يتجاوز دخل عقيد بس انا اللي اقصده ان يوم اقول الاسعار رخيصه بالحفر وماتستحق ان نقول هبوط قلت اجزم ان اللي قال هالكلام شريطي وهو اللي يبي الاسعار ترتفع وانا طبعا تقصد اني انا ابي الاسعار ترتفع لا والله اني احب الخير للمسلمين كلهم والله شاهد ماابي الاسعار ترتفع ولا شي بس كنت اتكلم كلام واقعي عن حفر الباطن ان الاسعار فيه معقوله يمكن زي ماقال الاخ مكتب العساف في اماكن طالها المبالغة بالاسعار لكن بشكل عام الاسعار زينه والله انا حاليا افكر اشتري ارض بالحفر لان اتوقع بالمستقبل الاسعار هذي ماراح نشوفها والله العظيم الكلام هذا ماادعو فيه احد ان يشتري او اورط الناس لكن انا اذا ابي اشتري اخذ ارض بحدود خمسين الف واتركها للزمان كفيل فيها انا عندي اقارب في حفر الباطن وبالتحديد بالمحمدية كانت الاراضي حولهم على خمس الاف وعشر الاف الكلام هذا قبل 15سنة حاليا ارخص ارض ثلاث اضعاف او اربع والعقار خصوصا اذا المنطقة او المدينة بطور النمو السكاني والعمراني يستمر بالارتفاع مهما كانت الظروف وانت ابخص بحفر الباطن اكثر مني راح يجي الوقت اللي الناس تقول فيه على الايام هذي كانت الاسعار بكذا وكانت الاسعار وبعدين انا يوم اتكلم عن الرياض مااقارنه بحفر الباطن بس حبيت اقيس بالاسعار مافي اي وجه مقارنه بالحفر والرياض ولكن حفر الباطن مع الايام يكون العقار فيه نار وتذكر كلامي هذا وشكرا لك اخي العزيز

[خليفه العنزي]

المشاركة الأصلية كتبت بواسطة العساف [عزيزي الزائر يتوجب عليك التسجيل للمشاهدة الرابط للتسجيل اضغط هنا]

بسم الله الرحمن الرحيم

توقعاتي لسوق العقار بحفرالباطن ينقسم الى 3 اقسام

القسم الأول : يشمل المخططات السكنيه الحديثه التوجه
كالبلديه والمحمديه والربوه وغيرها وتلك المخططات سيكون الارتفاع
هو نصيبها نظراً لكونها رغبة حاليه للسكن ومخططات مميزه.
القسم الثاني : مخططات الاستثمار بعيد المدى وتشمل مخططات طريق الرياض
فهذه المخططات قد تشهد استقرار باسعار الاراضي لفتره معينه حاليه ولكنها باذن الله ستصعد
نظراً لوجود الخدمات المقامه كالمستشفى والجامعه والكليات ومن الطبيعي توجه اكثر
بالمستقبل وبالتالي فان المستقبل لها.
القسم الثالث : المخططات الغير مرغوبه سكنيا بنسبه كبيره وعكس اتجاه نمو البلد
وهذه المخططات قد يحدث ببعضها انخفاض وهو بنسبة قليله لكن كون ان اسعارها ارتفعت بشكل كبير
بالفتره الماضيه فقد يحدث في بعضها انخفاض نظرا لقلة رغبة الاستثمار فيها.
======
وبالنهايه واسعار محافظة حفرالباطن كما يقول الجميع انها قد ارتفعت
فانا ارى انه حتى وبعد ارتفاعها فتعتبر قياساً بكثير من مثيلاتها من محافظات المملكه
سعر الاراضي لا يزال بمتناول اليد فاذا استثنينا مخطط او اثنان تجاوزت اسعار اراضيه المائة الف
فان باقي المخططات السكنيه الحاليه في داخل حفرالباطن تعتبر اسعارها بين ثلاثين الف ريال الى
ثمانين الف ريال في افضل المخططات وبالتالي فالاسعار مازالت ببحر المعقول.
وبما ان اسعار مواد البناء قد انخفضت بشكل كبير فالمتداول عالمياً ان هذا الانخفاض
يقابله ارتفاع باسعار العقار وهذه نظريه عالميه ولا اقصد منها تبرير ارتفاع العقار لكن
كل ما اقصده ان العقار ليس بتلك الصور المخيفه التي رسمها البعض .

** ملاحظه : توجد بعض مخططات المحافظه وهي قله قد يكون اصابها ارتفاع بشكل كبير وهو ارتفاع
غير مبرر وقد يحدث فيها هبوط ولكن هذه المخططات لا تكاد تتعدى الاربع او خمس مخططات فقط
شكرا لكم

السلام عليكم ورحمة الله وبركاته
الصراحه رأي أخونا العساف أشوفه منطقي وهذا الكلام السليم
وعلي قولت القايل العقار لا يأكل ولا يشرب
يعني بالمختصر المفيد ارتفاع العقار في حفر الباطن لم يأخذ حقه ألي الأن

[موفق999]

صحيح العقار لا ياكل ولا يشرب ( بس يطلع بعيونو )
ولكن ينزل ويرتفع يربح ويخسر وهكذا
يوجد اشياء كثيرة لا تأكل ولا تشرب ولكن لافائدة منها
وكل على همه سرى

[alasaf]

يا اخوان اصلا اسعار الحفر تعتبر منخفظه جدا والحفر مقبل على نمو كبير بل ركز عليه تجار وابناء المدن والمناطق الاخر فقيمة ارض في الرياض او مكه تشتري لك ارض وتعمر لك عظم في الحفر اذا لم تشطب لك بعد فلاسعار جدا في متناول اليد وانا اقول الحفر في ازدياد وخصوصا المخططات ذات المواقع الطيبه